يا كثر ما يجوني ناس في الخاص، يقول لي: "يا وصل، أنا شريت أقوى راوتر في السوق، يدعم WiFi 6 ويدعم الدمج الخماسي، كلفني فوق الـ 1500 ريال، بس لما ركبت الشريحة.. السرعة ما تتعدى 50 ميجا! الجهاز خربان؟".
أنا هنا أبتسم وأقول له: "يا بعدي، الجهاز مو خربان.. أنت مركب مكينة فيراري وحاط فيها بنزين 91!".
المشكلة هذي شائعة جداً عندنا في السعودية. نركز على "الحديد" (الراوتر) وننسى "الروح" (الشريحة). في هالمقالة، بفكفك لك الموضوع وأشرح لك تقنياً وبالعامية ليش شريحتك هي اللي ماسكة راوترك مع حلقه.
معادلة الترددات: الراوتر يطلب والشريحة ترفض
خلني أشرح لك كيف يشتغل الـ 5G بطريقة ما قد سمعتها.
الراوتر القوي (مثل هواوي أو ZTE الحديثة) مصمم إنه يشبك على شي اسمه "ترددات متعددة" في نفس الوقت (شي نسميه Carrier Aggregation). يعني الراوتر يقول للبرج: "عطني نت من تردد 700، وتردد 1800، وتردد 3500 مع بعض عشان تدبيل السرعة".
وين المصيبة؟ المصيبة إن شرائح البيانات الرخيصة أو المقيدة برمجياً من الشركة، تكون مبرمجة إنها ما تشبك إلا على تردد واحد أو ترددين بالكثير!
- أنا شفت بعيني: راوتر قادر يوصل 1 جيجا، بس الشريحة اللي داخله "محجوبة" عن الترددات السريعة، فالراوتر جالس شغال بربع طاقته.
الحل عندي: الشرائح اللي نوفرها، مثل شريحة موبايلي 5G لا محدود للراوتر، تكون مفتوحة الصلاحية.
يعني لما راوترك يطلب دمج ترددات، الشريحة تقول "تم"، وهنا تشوف السرعة الحقيقية للجهاز.
الراوتر يكشف فضائح الشريحة
الراوترات المتنقلة الصغيرة (الماي فاي) ممكن ما تلاحظ فيها التقطيع كثير لأن قدراتها محدودة. لكن لما تجيب راوتر منزلي قوي (CPE) وتحطه في الكهرباء، هو بيحاول يسحب أقصى طاقة من البرج.
إذا الشريحة فيها "عائق" أو "استخدام عادل خفي"، الراوتر راح يبين لك هذا العيب فوراً.
- لمبة الـ 5G تطفي وتشتغل: هذا مو عيب في الراوتر، هذا البرج جالس يطرد الشريحة من الـ 5G ويرجعها 4G لأنها سحبت داتا واجد.
- الحرارة: أحياناً الراوتر يحتر لأنه يحاول يمسك إشارة والشريحة مو مساعدة.
عشان كذا، دايم أقول: استثمر في الشريحة قبل الراوتر. شريحة شريحة STC 5G لا محدود 6 أشهر مع راوتر متوسط، أفضل بمليون مرة من راوتر غالي مع شريحة سيئة.
كيف تختار "التوأم" الصح؟ (راوتر + شريحة)
أنا ما أبيك تخسر فلوسك. عشان كذا سويت لك هالدليل السريع عشان توفق راسين بالحلال:
أولاً: إذا راوترك مفتوح (Unlocked):
يعني شريته من جرير أو إكسترا وما عليه شعار شركة.
نصيحتي: هذا الجوكر. يشتغل مع أي شريحة. بس لازم تاخذ له شريحة تدعم سرعات عالية، مثل باقاتنا المفتوحة، عشان تحلل قيمته. جرب شرائح بيانات 5G بأداء ثابت من متجرنا.
ثانياً: إذا راوترك مقفل (عليه شعار STC/موبايلي):
- نصيحتي: انتبه! هذا ما يشغل إلا شريحة نفس الشركة. لا تروح تشتري شريحة زين وهو مقفل على موبايلي. ولو فكيت شفرته، أحياناً ما يدعم كل ترددات الشركة الثانية.
- الأفضل: خذ الشريحة اللي تناسب شعار جهازك، بس خذها "بيانات مفتوحة" مو باقة محدودة.
تجربتي الشخصية مع التوافق
أنا جربت كل أنواع الراوترات في السوق. وتوصلت لقناعة: الشريحة هي الملكة.
مرة ركبت شريحة أعمال (بيانات حقيقية) على جوال عادي، عطاني سرعة 800 ميجا! ومرة ركبت شريحة عادية (محدودة) على راوتر قيمته 3000 ريال، السرعة ما تعدت 40 ميجا.
السر كله في "البروفايل" حق الشريحة داخل النظام. الشرايح اللي في متجر وصل أنا منقيها نقوة عشان تكون البروفايل حقها (High Priority)، يعني لها الأولوية في البرج، وهذا اللي يخلي راوترك يشتغل صح.